ماهو دليل بتدخل النار اذا بقت ..!! لكن نهايتها بتاخذ حسابك ..."

لو طال عمرك راح يقضي مع الوقت
واليا قضى عمرك يجي لك حسابك

راجع حساباتك وشف ويش حققت ؟
كانك نسيت الله ، كبيراً عقابك

يويلك بموعد سؤالك اذا اخفقت
الله يعينك بس مكبر عذابك

من نعمة الله لليتاما وش انفقت ؟
كلن له كتابه وإحسن كتابك

تعيش في غيبوبة المال وان فقت
تلقاك في قبرك ولا احدً درى بك

اشكر نعم ربك مهو شرط اذا ذقت
حتى لو ان ماذقت يكفي حفى بك

يكفي بأنك تدعي الله اذا زهقت
واليا دعيته قال يا مرحبا بك

لامن دعيت الله ومن دعوته رقت
لتروح تنسى الله وتنسى صوابك

ماهو دليل بتدخل النار اذا بقت
لكن نهايتها ب تاخذ حسابك


#وليد_العويضه / المتوهج