مايفرق شملنا حتى المنام

ما يفرق شملنا حتى المنام
نجتمع ب احلامنا وسطه سويه

هايمين بحبنا فوق الهيام
ما يفرقنا كلام العاذليه

حبنا كله مواصل واهتمام
حبنا وافي من قلوبً وفيه

حبنا عالي وراقي للغمام
حبنا حب  القلوب الاوليه

الله الحافظ من بيوت الهدام
ويا عسى ربي يجنبنا الدنيه

خالدي حلّق ورفرف بالغرام
حب له وحده  تحبه حايله

كان في خيله وسرجه والجام
لين جاته وحدةً تكتف يديه

حظه الي شح واعطا له عدام
انقلب حاله وجابك يا بنيه

مرحبا بالحض واكبر احترام
يسعد الي سخّرك جنبي وليّه

ليتني لا جيت ابوها والعمام
لجل اخطب بسنة الله ونبيه

ثم دخلت المجلس وقلت السلام
جيت اخطب الي غلاها شب فيّه

رحبوبي يا هلا ب ابن الكرام
انت جيت و ابشر ب بنتً نقيه

قد وصلت لبيتي و وضعك تمام
ابشر ببنتي ولا تدفع جزيه

دام جيت بسلم عادات القدام
واضحً وضح النقاء ميه بميه

خذ عروسك وامشي ولسمع كلام
ما ابي منّك سوا ستر البنيه

قلت له تسلم ولكن بالحرام
غير تاخذ مهراً وتقبل هديه

انتهت قصة ابوها في سلام
وافق وصارت معي مده مديه

مر عام ومر عام ومر عام
مرة اعوامً وعيشتنا هنيه

جاني الاول وسميته حسام
والبنيه انتظرها بس شويه

جتني بنيّه وسميته مرام
ليت ربي يحفظه من كل سيه

والمره عندي ولا شفنا خصام
احمد الله وضعي بحاله بهيّه

وانتهت قصة خيالي بالغرام
ليت انفسكم عن ابياتي رضيه

ذا خيالي واخترق عندي النضام
ليتني امتعتكم ي اغلا البريه


#وليد_العويضه / المتوهج