زوجها غصب عنها
زوجوها غصب عنها دون شور ولا سؤال
واحكمو اقدارها في يد واحد ماتبيه
الرجال الي كذا والله ترى ماهم .. رجال
الزواج الي غصيبه يهدم بيوتً تجيه
بنت ورده توها عن هالسوالف والمجال
والمجال الي يبونه منظرت غيري عليه
زوجوها غصب عنها سبة نفاق ودجال
لن شيخً جاء طلبها اجبروها غصب فيه
ما وقف معها سواء الله ضايقه والدمع سال
كنها في بيت غربه حالها يرثاء اليه
ضاقت الدنيا عليها من عمام ومن خوال
وصكت دروب السعاده من فعايل هالوجيه
حالها قصه حزينه انقطع فيها الضْلآل
واحرقتها شمس ابوها سبة الفكر السفيه
احرقو ورده صغيره كلها حسن وجمال
زوجوها دون تدري دون لا ودون ايه
الله يجازي عمامك وانتخي في ذالجلال
انتخي ربً عضيمً مايخيب مرتجيه
ابن شيخً كيف ارده فكر بقيلاً وقال
عادتً وصخه قبيحه درب يلعن من مشيه
الطعن طعنة غبينة والفعل فعل القتال
وجبر بنتً بالزواج محرمً بكرة ابيه
حملها لوني عطيته واحدً من هالجبال
انهدم واصبح فتاته كن نجمً مكتويه
انت تهناء في حياتك جالس ومرتاح بال
وجوها باسباب فعلك كل همً محتويه
#وليد_العويضه / المتوهج
تعليقات
إرسال تعليق